LE AFIOGA FIAME NAOMI MATAAFA FAAAUINA O LE TAPUNIA O LE ATUNUU ATOA MO LE ISI 24 ITULA :ASO LULU 26 IANUARI 2022
O le a lilifa ia i tai loloto faiva o tiuga, ae mapu ane i Niafane ma lalafo taula i mālolo, i le faafofoga tapuai mai o si o tatou i lenei ituaso. Faafetai i le alofa tulituliloa o lo tatou Atua o loo mafai ai pea ona tatou folau i nei ituaso faigata.
O lo o faaauau pea le tulituliloaina ma le mata’ituina o galuega a le tatou Malo mo le puipuia o Samoa mai le pepesi o le siama o le KOVITI19. E oo mai i le aoauli nei, o loo tumau pea le aofa’ o i latou ua faamaonia le aafia i le faamai i le 26. O le 21 o i latou ua aafia, o pasese sa malaga mai i le vaalele na taunuu mai i Samoa i le Aso Lulu o le vaiaso na tea nei. O le toalima (5) o i latou, o a tatou Tausi Soifua o loo vaavaaia i latou ua aafia i le faamai i totonu o le nofoaga o lo o faanofoesea ai i Motootua.
E oo mai i le taimi nei, o loo manuia ma e leai ni auga o aliae mai i le toaluasefulu (26) o i latou ua aafia i le siama, ma o loo faatino uma vaega mo le vaavaaia lelei o i latou i aso uma talu ona faanofoesea.
O le aso a taeao, o le a faamautu mai ai suega a i latou uma o loo faanofoesea e le gata i le pasese ae faapea foi ma le aufaigaluega na muaau i le taunuu mai o le vaalele. O loo tālia foi le faamaoniga mai Niusila o a tatou suega na ave e iloa ai le ituaiga o le siama o le KOVITI19 ua aafia ai le 26 o o tatou tagata.
O le ala lea ua faaiugafonoina ai e le Kapeneta i le asō, le toe faaauauina o le tapunia atoa ole atunuu mo le isi 24 itula e afua atu i le itula e 6 i le afiafi o le Aso Tofi, 27 Ianuari 2022 seia aulia le 6 i le afiafi o le Aso Faraile, 28 Ianuari 2022. E faaauau pea ona tatala mai i le 8 i le taeao seia oo i le 2 i le aoauli a taeao – Aso Tofi, 27 Ianuari 2022, auaunaga ma aiaiga o le tatalaina o nei auaunaga, e pei ona muai faailoa atu i le atunuu.
Ua silasila foi le Kapeneta e toe faatulaga a tatou laasaga, mo le puipuiga o le atunuu mai lenei faamai (alert levels) ina ia saga faamautu aiaiga mo le lanu moli, p o o le laasaga lona 2, e faavae i le tulaga o le iai o i latou ua aafia i le faamai, a o loo malu i totonu o nofoaga o loo faanofoesea ai. E faapea foi i le lanu mumu po o le laasaga lona tolu e faavae i luga o le faamaonia ua mama i tua le faamai ma pepesi i le atunuu. E aofia ai foi i lenei faatulagaga le saga faamaoti o poloaiga e tuuina atu mo faalavelave faafuasei, atoa ai ma gaioiga faalesoifua maloloina ma le puipuiga lautele o le atunuu, e fitoitonu i ai.
O le a fofogaina le atunuu mo isi laasaga o le a agai i ai fuafuaga mo le agai atu i le faaiuga o le isi 24 itula ua faaopoopo nei mo le tapunia o le atunuu.
E faaauau pea le tulaga o le faailoa atu o faamatalaga i tulaga ua iai le faamai mai le tatou Malo e tauala atu i le Komiti o Faalavelave Faafuasei.
Le atunuu e, e ui ua i totonu o o tatou laufanua le faamai, o le talosaga a le tatou Malo, ia tumau pea lo tatou faatuatua, aua tatou te mafaia mea uma i le faatasi mai o lo tatou Atua. O puapuaga ma luitau o le soifuaga nei, tatou te feagai pea, peitai e le liliu le alofa tunoa o le Atua i a Samoa.
______________________________________________________________________________
Good evening,
Government continues to closely monitor the COVID19 situation since the emergence of positive cases on Friday last week. This afternoon, the number of confirmed positive COVID19 cases remains at 26. Twenty one of these cases are passengers who arrived in Samoa from Australia on Wednesday 19th January 2022. Five of these cases are nurses who were monitoring the 21 positive cases in quarantine at Motootua. All of them are well and remain asymptomatic as of this afternoon.
Follow up tests for all of those in quarantine will be conducted tomorrow and the results should be confirmed by late afternoon tomorrow or early Friday morning. In this regard Cabinet considered and approved this afternoon the extension of the nationwide lockdown for another 24 hours beginning at 6pm tomorrow, Thursday 27th January 2022 until 6pm on Friday 28th January 2022. Conditions for Level 3 lockdown will remain including opening hours for services as announced earlier this week, i.e. from 8am to 2pm tomorrow, Thursday 27th January. This extension will allow the Ministry of Health to finalize test results of all those in quarantine. We hope to receive the results from New Zealand sometime soon.
We will also revisit the alert levels and their triggers especially levels 2 and l 3. We will announce the next steps of actions to be taken in due time.
We thank you for your continued prayers and support during these difficult times.
SOIFUA
