LAPATAIGA O TIMUGA MAMAFA MA LOLOGA FAAAUAU PEA MO SAMOA
O taaviliga o peau mamafa o le ea i luga a’e o Samoa ua afua ai ona tumau pea le atunuu i le mamafa o timuga ma le susu o le ea. O ia uiga louloua o le tau ua aafia ai le atunuu ua mafua ai le tuuina o lapataiga o timuga mamafa ma lologa.
Talu mai le afiafi ananafi, e fa (4) nofoaga ua tapenaina mo le to’a iai o aiga pe afai e faaauau pea le tulaga lamatia o iai nei timuga mamafa ma tupu ai i ni lologa ma ua le saogalemu nofoaga o loo nonofo ai. O nei nofoaga o loo i le lotoa a le Iunivesite Aoao o Samoa i Vaivase, o le maota o le ADRA i le Ekalesia Aso Fitu i Lalovaea, o le Gym numera lua ma le Gym mo taaloga eseese i Tuanaimato.
E fautuaina pea le mamalu o le atunuu ina ia o tatou galulue faatasi e aputiputi nai fanau iti, o matua tausi, ma i latou e iai manaoga faapitoa. E fautuaina pea le aloalo ese ma vaitafe ma ia mataalia i le mataituina o suiga ogaoga e tulai mai. E fautuaina foi le tausia pea o le soifua maloloina lautele ma le faapunaina o le suavai a o lei taumafaina.
O loo faaauau le galuega a le tatou Komiti e ala i le Pulega o Felauaiga i le Laueleele, o le Pulega o Tineimu ma le Matagaluega o Leoleo, ina ia mautinoa le malu puipuia ma le saogalemu o le atunuu mai i tulaga louloa o le tau. Mo ni faalavelave faafuasei, faafesootai mai le 997 poo le 911.
Maea.
