O le ā fata pea ia i mauga o ao ou paia sausaugatā Samoa; o oe o le atunuu tofi. E afua mai i le taisamasama o le Tuimanua seia pāia Fili ma Puletuu na tauilo ai manū o malo. E ofo alofa atu i le faafofoga maimoa tapuai mai a le atunuu, i lenei Aso Faraile, Aso 11 o Fepuari 2022. Faamalo le ta’i, faafetai le faitatalo.
O le maua ai o se numera toatele i le siama o le Koviti 19 i le atunuu, e le taumate sa afua ai lagona lē mautonu ma le popole i a i tatou uma. Peitai, sa maualuga pea lo tatou faatuatua ma talitonuga maumaua’i i le puipuiga mamana a le Atua ia Samoa. O lea ua vaaia ata o ta’ulelei i lenei vaiaso i le solosolo manuia ai o taumafaiga uma mo le taofia o le faamai i totonu o nofoaga faanofoesea, ma le pulunaunau ina ia aua nei pepesi i le atunuu. Faafetai i le Atua i lona finagalo alofa i si o tatou atunuu, ma a tatou taumafaiga uma, mo le puipuiga lautele mai le faamai.
I le lua vaiaso ua tea nei, sa tatou iai i le laasaga lua mo le puipuiga mai le faamai. Ua tele suiga vaaia i lo outou talisapaia o gaoioiga ma vavao ina ia puipuia pea si o tatou atunuu. O vaaiga e lei masani ai o tatou olaga e pei o le faia o talifofoga, ma isi aiaiga faale soifua maloloina, ua avea ma vaaiga e masani ai aso uma. A o aga ia ua faasopolia ai le lalolagi atoa, e faavae i le agaga e tasi – ia taofiofi le pepesi o le faamai ma le aafia o tagata ma maumau ai le soifua.
O le vaiaso nei, ua tatala ai i tua le 139 o a tatou aufaigaluega na muaau i le taunuu mai o le vaalele. O loo manuia uma latou i le maea ai o le faafitu ona fai a latou suega, ma e lei aliae le siama i se tasi o latou. O le 31 o i latou ua aafia i le siama, o lea ua faamautu mai e toafa ua manuia, ma o le toatele ua faasolo ina vaivai le siama. E oo mai i le aso, o loo malolosi i latou uma nei ma faaauau pea ona leai ni auga e aliae mai. E lei toe iai nisi faaopoopoga o le numera o i latou ua aafia. E oo mai i le taimi nei, e le o iai se faailoga ua pepesi i tua le faamai i le atunuu.
O le tulaga i le uunaia o a tatou tui, o lea ua 97% o le aofaiga o tagata e tatau ona fai tui, ua maea tui muamua o le AstraZeneca, ae 89% ua maea o latou tui e lua. E moomia ona tatou ausia pasene moomia mo le puipuiga lautele o le atunuu. Mo tui o le fanau mai i le 12-17 tausaga le matutua, ua 90% ua maea le tui muamua o le Pfizer, ae 73% ua maea o latou tui e lua. O lo o faatali nei a tatou tui mo le fanau iti mai le 5-11 tausaga le matutua mai Niusila, ma ua tapena le tatou Matagaluega o le Soifua Maloloina ma le Komiti e faatino le tuiga mo nai fanau iti pe a taunuu mai tui i le atunuu.
E tusa ai ma le iloiloga o taumafaiga uma a le Malo talu mai lenei mataupu, ua faaiugafonoina ai e le Kapeneta e faapea:
E afua atu i le 6 i le afiafi nei, 11Fepuari, 2022 o le a toe foi ai le atunuu i le Laasaga 1, po o le lanu samasama. E tumau pea poloaiga o vavao mo le Laasaga muamua, ina ia faaauau le mataituina ma le malu puipuia o si o tatou atunuu mai le Koviti 19. O nei laasaga e aofia ai le:
- Taofia o faigamalaga faavaomalo (vaalele ma vaa laupasese), sei vagana ua faatagaina e le Kapeneta;
- Tausisia o puipuiga faasoifua maloloina i taimi uma – (fufulu māmā lima, faaaoga tali fofoga pe a gasegase, tu ma le nofo vāvā i nofoaga faitele.
- Tatala potopotoga i nofoaga faitele ae mataitu pea le puipuiga lautele mo le faamai;
- Tatala le feoai o tamaiti i lalo ifo o le 12 tauaga i nofoaga faitele;
- Tatala aoga uma ma taaloga i aiaiga ua uma ona faatulaga i le Laasaga 1;
- Tatala femalagaiga i le sami ma le laueleele i taimi faatulagaina masani i aso uma o le vaiaso e aofia ai ma le Aso Sa;
- Tatala taelega i le sami ma vaitafe i aso uma o le vaiaso, sei vagana le Aso Sa, faatoa faataga i le 12 i le aoauli;
- Tatala faleava ma fale kalapu mai i le Aso Gafua i le Aso Toanai i le 6 i le taeao – 12 i le po;
- Tatala le faatauina o le ava malosi i nofoaga ma faleoloa faatulafonoina mai i le 6 i le taeao i le 12 i le po o le Aso Gafua i le Aso Toanai;
- Faasa taaloga faitupe sei vagana ai le Bingo mai i le Aso Gafua i le Aso Toanai, mai i le 6 i le taeao i le 11 i le po; o casino mai i le Aso Gafua i le Aso Toanai, i taimi ua faatulagaina i le Laasaga 1.
- Tatala faleaiga mo taumafataga ma le aveina o taumafa mai i le 6 i le taeao i le 12 i le p,o mai i le Aso Gafua i le Aso Toanai;
- Tatala faleoloa, makeki, supamakeki ma isi uma makeki o agai iai le atunuu, mai i le 6 i le taeao, seia oo atu i le 10 i le po, Aso Gafua – Aso Toanai;
- Tatala faleia ma le makeki o fua o faaeleeleaga mai i le 6 i le taeao – 8 i le po, i le Aso Gafua i le Aso Toanai;
- Mo le Aso Sa, o nisi nei o aiaiga e ao ona silafia;
- Makeki o I’a ma Fugalei, Tatala i le 4 i le taeao – 9 i le taeao;
e. Supamakeki ma faleoloa laiti, pamu penisini ma fale talavai (private)
e tatala i le 12 i le aoauli – 10 i le po;
i. Faataga tagata lautele ona taumamafa i faletalimalo i Aso Sa mai i
le 12 i le aoauli i le 10 i le po;
o. Tatala faleaiga mo taumafataga mai i le 12 i le aoauli; ma
u. Faasa ona faatau le ‘ava malosi sei vagana ai malo o i Faletalimalo.
17. Tatala le faatauina savali o oloa i le taulaga ma magaala, ae faasa mo tamaiti e i lalo ifo o le 16 tausaga le matutua, e ao ona tausisia uma poloaiga faalesoifua maloloina e pei ona taua muamua; ma
18. Tatala auaunaga mo falemai mo na o i latou lava e gasegase. E toatasi le tagata tausi mai i le gasegase ma na o le toalua e mafai ona asiasi i se gasegase i soo se taimi;
Le atunuu e, faamolemole ia tatou faaeteete pea i nei vaitau maaleale i le pepesi pea o le faamai i le lalolagi ma o tatou atunuu tuaoi.
E talosagaina pea la outou fesoasoani ma le lagoalgo e tulei faatasi le faamaeaina o a tui puipui mo le Koviti 19.
O le a toe fofogaina lo outou paia pe afai e aliae mai nisi vaega e moomia ai le toe fetuunai, o Laasaga mo lo tatou puipuiga mai le Koviti 19. O isi vaega auiliili o poloaiga, o le a faailoa atu e ala i faamatalaga mai le tatou Malo.
Ia manuia le tapuaiga a le atunuu.
SOIFUA
O le ā fata pea ia i mauga o ao ou paia sausaugatā Samoa; o oe o le atunuu tofi. E afua mai i le taisamasama o le Tuimanua seia pāia Fili ma Puletuu na tauilo ai manū o malo. E ofo alofa atu i le faafofoga maimoa tapuai mai a le atunuu, i lenei Aso Faraile, Aso 11 o Fepuari 2022. Faamalo le ta’i, faafetai le faitatalo.
O le maua ai o se numera toatele i le siama o le Koviti 19 i le atunuu, e le taumate sa afua ai lagona lē mautonu ma le popole i a i tatou uma. Peitai, sa maualuga pea lo tatou faatuatua ma talitonuga maumaua’i i le puipuiga mamana a le Atua ia Samoa. O lea ua vaaia ata o ta’ulelei i lenei vaiaso i le solosolo manuia ai o taumafaiga uma mo le taofia o le faamai i totonu o nofoaga faanofoesea, ma le pulunaunau ina ia aua nei pepesi i le atunuu. Faafetai i le Atua i lona finagalo alofa i si o tatou atunuu, ma a tatou taumafaiga uma, mo le puipuiga lautele mai le faamai.
I le lua vaiaso ua tea nei, sa tatou iai i le laasaga lua mo le puipuiga mai le faamai. Ua tele suiga vaaia i lo outou talisapaia o gaoioiga ma vavao ina ia puipuia pea si o tatou atunuu. O vaaiga e lei masani ai o tatou olaga e pei o le faia o talifofoga, ma isi aiaiga faale soifua maloloina, ua avea ma vaaiga e masani ai aso uma. A o aga ia ua faasopolia ai le lalolagi atoa, e faavae i le agaga e tasi – ia taofiofi le pepesi o le faamai ma le aafia o tagata ma maumau ai le soifua.
O le vaiaso nei, ua tatala ai i tua le 139 o a tatou aufaigaluega na muaau i le taunuu mai o le vaalele. O loo manuia uma latou i le maea ai o le faafitu ona fai a latou suega, ma e lei aliae le siama i se tasi o latou. O le 31 o i latou ua aafia i le siama, o lea ua faamautu mai e toafa ua manuia, ma o le toatele ua faasolo ina vaivai le siama. E oo mai i le aso, o loo malolosi i latou uma nei ma faaauau pea ona leai ni auga e aliae mai. E lei toe iai nisi faaopoopoga o le numera o i latou ua aafia. E oo mai i le taimi nei, e le o iai se faailoga ua pepesi i tua le faamai i le atunuu.
O le tulaga i le uunaia o a tatou tui, o lea ua 97% o le aofaiga o tagata e tatau ona fai tui, ua maea tui muamua o le AstraZeneca, ae 89% ua maea o latou tui e lua. E moomia ona tatou ausia pasene moomia mo le puipuiga lautele o le atunuu. Mo tui o le fanau mai i le 12-17 tausaga le matutua, ua 90% ua maea le tui muamua o le Pfizer, ae 73% ua maea o latou tui e lua. O lo o faatali nei a tatou tui mo le fanau iti mai le 5-11 tausaga le matutua mai Niusila, ma ua tapena le tatou Matagaluega o le Soifua Maloloina ma le Komiti e faatino le tuiga mo nai fanau iti pe a taunuu mai tui i le atunuu.
E tusa ai ma le iloiloga o taumafaiga uma a le Malo talu mai lenei mataupu, ua faaiugafonoina ai e le Kapeneta e faapea:
E afua atu i le 6 i le afiafi nei, 11Fepuari, 2022 o le a toe foi ai le atunuu i le Laasaga 1, po o le lanu samasama. E tumau pea poloaiga o vavao mo le Laasaga muamua, ina ia faaauau le mataituina ma le malu puipuia o si o tatou atunuu mai le Koviti 19. O nei laasaga e aofia ai le:
- Taofia o faigamalaga faavaomalo (vaalele ma vaa laupasese), sei vagana ua faatagaina e le Kapeneta;
- Tausisia o puipuiga faasoifua maloloina i taimi uma – (fufulu māmā lima, faaaoga tali fofoga pe a gasegase, tu ma le nofo vāvā i nofoaga faitele.
- Tatala potopotoga i nofoaga faitele ae mataitu pea le puipuiga lautele mo le faamai;
- Tatala le feoai o tamaiti i lalo ifo o le 12 tauaga i nofoaga faitele;
- Tatala aoga uma ma taaloga i aiaiga ua uma ona faatulaga i le Laasaga 1;
- Tatala femalagaiga i le sami ma le laueleele i taimi faatulagaina masani i aso uma o le vaiaso e aofia ai ma le Aso Sa;
- Tatala taelega i le sami ma vaitafe i aso uma o le vaiaso, sei vagana le Aso Sa, faatoa faataga i le 12 i le aoauli;
- Tatala faleava ma fale kalapu mai i le Aso Gafua i le Aso Toanai i le 6 i le taeao – 12 i le po;
- Tatala le faatauina o le ava malosi i nofoaga ma faleoloa faatulafonoina mai i le 6 i le taeao i le 12 i le po o le Aso Gafua i le Aso Toanai;
- Faasa taaloga faitupe sei vagana ai le Bingo mai i le Aso Gafua i le Aso Toanai, mai i le 6 i le taeao i le 11 i le po; o casino mai i le Aso Gafua i le Aso Toanai, i taimi ua faatulagaina i le Laasaga 1.
- Tatala faleaiga mo taumafataga ma le aveina o taumafa mai i le 6 i le taeao i le 12 i le p,o mai i le Aso Gafua i le Aso Toanai;
- Tatala faleoloa, makeki, supamakeki ma isi uma makeki o agai iai le atunuu, mai i le 6 i le taeao, seia oo atu i le 10 i le po, Aso Gafua – Aso Toanai;
- Tatala faleia ma le makeki o fua o faaeleeleaga mai i le 6 i le taeao – 8 i le po, i le Aso Gafua i le Aso Toanai;
- Mo le Aso Sa, o nisi nei o aiaiga e ao ona silafia;
- Makeki o I’a ma Fugalei, Tatala i le 4 i le taeao – 9 i le taeao;
e. Supamakeki ma faleoloa laiti, pamu penisini ma fale talavai (private)
e tatala i le 12 i le aoauli – 10 i le po;
i. Faataga tagata lautele ona taumamafa i faletalimalo i Aso Sa mai i
le 12 i le aoauli i le 10 i le po;
o. Tatala faleaiga mo taumafataga mai i le 12 i le aoauli; ma
u. Faasa ona faatau le ‘ava malosi sei vagana ai malo o i Faletalimalo.
17. Tatala le faatauina savali o oloa i le taulaga ma magaala, ae faasa mo tamaiti e i lalo ifo o le 16 tausaga le matutua, e ao ona tausisia uma poloaiga faalesoifua maloloina e pei ona taua muamua; ma
18. Tatala auaunaga mo falemai mo na o i latou lava e gasegase. E toatasi le tagata tausi mai i le gasegase ma na o le toalua e mafai ona asiasi i se gasegase i soo se taimi;
Le atunuu e, faamolemole ia tatou faaeteete pea i nei vaitau maaleale i le pepesi pea o le faamai i le lalolagi ma o tatou atunuu tuaoi.
E talosagaina pea la outou fesoasoani ma le lagoalgo e tulei faatasi le faamaeaina o a tui puipui mo le Koviti 19.
O le a toe fofogaina lo outou paia pe afai e aliae mai nisi vaega e moomia ai le toe fetuunai, o Laasaga mo lo tatou puipuiga mai le Koviti 19. O isi vaega auiliili o poloaiga, o le a faailoa atu e ala i faamatalaga mai le tatou Malo.
Ia manuia le tapuaiga a le atunuu.
SOIFUA
