(OFISA O LE SO’O’UPU); E o’o mai le aoauli nei, o lo’o tumau pea i le 27 i latou ua a’afia i le Koviti – 19 e pei ona fa’amaonia e le Matāgaluega o le Soifua Mālōlōina. O lo’o fa’aauau pea ona fa’anofoesea le to’a 301 e aofia ai le pasese ma i latou sa muāau i auaunaga ‘ese’ese mo le kiliaina o le va’alele lea sa malaga mai Brisbane Ausetalia fa’atasi ai ma i latou ua a’afia i le fa’ama’i ma o lo’o malolosi uma e aunoa ma ni āuga o le Koviti – 19 o alia’e mai ai.
O le tolu ai nei o su’ega (tests) mo i latou uma o lo’o fa’anofoesea, ma e leai se tasi ua fa’amauina le a’afia i le Koviti – 19 se’ia vaganā ai i latou e to’a 27.
E o’o mai fo’i i le taimi nei, o lo’o fa’amauina pea e le’o mama i tua le fa’ama’i ma o lo’o saogālēmū pea le atunu’u atoa.
MO LE AUAUNAGA A LEOLEO / TINEIMU
Matāgaluega o Leoleo, Falepuipui ma le Ola Toe Fuata’ina.
- 21 fa’asalagaa tusitusia (tickets) sa fa’amauina talu mai le Aso To’ona’i 22 Ianuari 2022
- 552 fautuaga (warning) talu mai le Aso To’ona’i 22 Ianuari 2022
Pulega o Tineimu ma Fa’alavelave Fa’afuase’i a Samoa
- 164 fesoasoani o ta’avale ma’i (Ambulance) talu mai le Aso To’ona’i 22 Ianuari 2022
- 22 i Savaii
- 142 i Upolu
O le a fa’aauau pea ona tu’uina atu fa’amatalaga i le aotelega o tulaga ua i ai le Koviti – 19 i le atunu’u mo lo outou silafia i taimi uma.
Tatou tatalo pea mo si o tatou atunu’u pele o Samoa ina ia puipuia mai lenei fa’ama’i.
