Susuga i le taitai o le Sauniga, Rev. Mariota Siaea
Afifio Minisita o le Kapeneta,
Sui o Malo mai Fafo, Faauluuluga o Matagaluega ma Faalapotopotoga a le Malo, ma Pisinisi Tumaoti,
Samoa ua potopoto.
O le a lelepa ia faavaa tiu o a’au loloa paia ma sa le avea o Samoa seia pai’a ona tuaoi. O le a o’u le utuvai lepulepu la iai, ae o le a o’u utuvai lolo e pei o folauga a Alii Toga. Ae o le aso ma le filiga, o le aso foi male mata’i-ga-tila e pei ona iai le faamoemoe ua mafua ai la tatou feiloaiga.
O le aso ma le fa’amoemoe, o le fa’alauioaina ose tasi o metotia fou mo le puipui o Samoa, lea ua fa’aigoaina ole Samoa Travel Tracer App.
Ose metotia fou e fa’aaogaina ai feso’otaiga fa’aneionapo, e tauala mai ise faiga fa’apaaga a le Matagaluega o Soifua Maloloina fa’apea le Pulega o Tagata Tafafao Maimoa.
O lenei auaunaga fou e fa’aaogaina ai telefoni fe’avea’i ma ose vaega taua o a tatou tapenapenaga e pei ona fa’atauaina ile tatou Samoa Travel Ready Toolkit.
O nei tapenaga e pei ona faataatia I le Toolkit e ao lava ona fa’atino mamao, e lagolagoina ai le toe tatala ai o tuaoi fa’avaomalo, pe afai ua o’o ile taimi ua talafeagai ai, ma mautinoa ua saogalemu, ona toe tatala femalagaa’iga fa’avaomalo.
O nisi vaega e aofia I le tatou Toolkit
- O le mata’ituina ai o le tuiga pei ona fa’agasolo nei mo le Koviti
- Tulituliloaina o galuega ma atinae tau tagata tafafao maimoa e pei o le fa’atinoga o a’oa’oga aemaise a latou galuega fa’aauau (training and maintenance).
- O le fa’alauiloaina o ni fa’apitoa aemaise tulaga tau maketi.
O le Samoa Travel Tracer App na fofoa mai polokalame faatekonolosi ua taua o le BlueTrace na fausia I Sigapoa. O lenei polokalame e saogalemu toe malu puipuia ma o lo’o fa’aaogaina nei e nisi o atunuu e aofia ai Ausetalia ma fiti.
Ma e fiafia ai tele le agaga e fa’alauiloa atu mo le silafia o lenei auaunaga fou, na gaosia, pe na tu’ufa’atasia lava I Samoa nei e faaaoga ai le polokalame mai Sigapoa. O le tomai ma le agava’a maualuga lea o tatou lava tagata, pei ona galulue fa’apa’aga ai le kamupani ole SkyEye ma le Asosi o fa’amatalaga ma auala fa’atekonolosi, le Samoa Information Technology Association.
(Fa’amatalaga auiliili o le fa’aaogaina o lenei auaunaga)
O le fa’aaogaina ole Samoa Travel Tracer, e fa’aogaina le Bluetooth I luga o telefoni fe’avea’i e feso’ota’i ai ma le isi tagata o loo faaaogaina le Samoa Travel Tracer.
O fa’amatalaga uma foi e le mafai ona fa’ailoa i so’o se tasi lava, se’i vagana ai le Matagaluega o Soifua Maloloina. O nei fa’amaumauga o le a fa’aaogaina e tulituliloa ma feso’ota’i ai le mamalu o le atunuu, ina ia malu puipuia pea Samoa.
E ao lava ona silafia, e na o le numera lava o le telefoni ole a fa’amauina e lenei App mo le resitala.
Afai o oe lea o le a fa’aoagaina lenei auaunaga fou, e na’o oe lava e mafai ona tu’uina atu le maliega ile Matagaluega o Soifua Maloloina, e latou te fa’aogaina ai fa’amaumauga mai luga o lenei App mo galuega faalesoifuamaloloina (tau contact tracing).
O lau fa’atanaga po o le lua maliega ma le Matagaluega, fa’atoa mafai ai ona o latou fa’aogaina ia fa’amaumauga.
O lo’o maua le Samoa Travel Tracer I luga o le Google Play ma le App Stores, ma oute fautuaina ai lo tatou atunuu ina ia fa’aaoga lenei auaunaga fou, o lou sao foi lea ia tatou tapenaga, e tali vave atu ai pe a a’afia Ie tatou atunuu I le Koviti-19.
E fiafia fo’i e fa’ailoa atu le isi a tatou auaunaga fou lea ua amatalia, le Beautiful Anticipation Microsite, o lo’o ogatotonu iai fa’amaumauga uma mo le mamalu o le au faimalaga, pisinisi ma pa’aga fefa’ataua’i, aua lo latou silafia, o tulaga uma o lo’o maua I Samoa nei, aemaise fa’amatalaga lata mai a Samoa ma ana tapenaga mo faigamalaga.
I lenei taimi e ia te a’u le agaga fiafia e fa’ailoa aloaia atu ai le Samoa Travel Tracer App.
