HomeSamoaIUGAFONO A LE KAPENETA- Aso Gafua 28 Mati 2022.

IUGAFONO A LE KAPENETA- Aso Gafua 28 Mati 2022.

Share this:

Fuafuaga mo le Aga’i i Luma i le Mae’a ai o le Vaiaso Muamua o Vavao o iai nei

I lana Fonotaga FK(22) Faapitoa 17 o le Aso Gafua 28 Mati 2022, na talanoaina ai e le Kapeneta le Pepa PK(22)269 ma faamaonia ai e faapea:I. Le fa’aauau ona iai pea o Samoa i le Laasaga 3 mo lapataiga o le faama’i o le Koviti19, mo le isi vaiaso e afua atu i le vaeluaga o le po o le Aso Lua, 29 Mati 2022.

O aiaiga o le faaauauina o le iai o le atunuu i le Laasaga 3 ua faailoa atu i lalo:

i. Aso e tatala ai auaunaga moomia (essential services) e pei ona faailoa atu i lalo:

• Aso Lua 29 Mati 2022 mai le 6:00 i le taeao seia oo i le 4:00 i le afiafi;

• Aso Tofi 31 Mati 2022 mai le 6:00 i le taeao seia oo i le 4:00 i le afiafi;

• Aso Toonai 2 Aperila mai le 6:00 i le taeao i le 4:00 i le afiafi;

• Aso Lua 5 Aperila mai le 6:00 i le taeao 4:00 i le afiafi;

• O aso ma taimi ua faatulaga atu i luga e mafai ai foi ona faatinoina ai kiliva a Kamupani.

ii. Le tatala o femalagaiga i le va o Upolu ma Savaii mo le felauaiga o uta ma oloa ma vailaau faafomai mo Savaii i le Aso Lua 29 Mati 2022 ona toe foi lea i aso masani e tatalaina ai femalagaina i le Aso Tofi 31 Mati ma le Aso Toonai 2 Aperila ma le Aso Lua, 5 Aperila 2022 mai le 8:00 i le taeao seia oo i le 4:00 i le afiafi;

iii. O nei femalagaiga ua faataga ai ona malaga mai ai i latou e faamoemoe e malaga i atunuu fafo i malaga a vaalele ua lata mai, ma i latou e faamoemoe mo maliu ma e iai aia totino (e aofia ai fanau, matua ma taitoalua o e ua maliliu) ma ia tāpā faamaoniga o nei vaega uma;

iv. Ua faatonuina le Matagaluega o Tupe ina ia faagasolo le faatinoina o le procurement process a le Malo mo le fa’aauauina o galuega mo le faamai faapea ma le totogiiina o pili mo auaunga a Pisinisi Tumaoti;

v. Le faatinoina o le polokalame ua faataoto mo tuiga i le atunuu ma ua faatonuina le Matagaluega o le Soifua Maloloina ina ia faamautu matati’a (targets) mo le vaiaso lenei ua faamoemoe mo le tuiga ma ia tulituliloa i latou e lei mae’a tui lona 2 aemaise i latou e 18 tausaga le matutua ma aga’i atu i luga.

vi. Ua faatonuina le Komiti o Faalavelave Faafuasei (NEOC) ina ia faataoto mai isi laasaga i le mae’a ai o le vaiaso lona lua lenei, atoa ai ma le faamautuina o le fuafuaga lautele mo le agai atu i le lumanai e atagia ai le suiga o le siosiomaga o le soifuaga i le nonofo faatasi ma le Koviti (live with COVID19). Ia aofia i nei tapenaga vaega maoti uma o le tamaoaiga (sectors), i tulaga o auala ma avanoa e faatino ai galuega (opportunities) vaega e lamatia ai (risks) ma le faatulagaina o taimi e faatino ai nei vaega. Ia aofia foi i lenei tapenaga health models ua fautuaina e le Matagaluega o le Soifua Maloloina e taiala ai nei tapenaga. Ia tuuina mai i le Kapeneta i le Aso Gafua, 4 Aperila 2022 mo le iloiloina;

vii. Le tatala o malaga mo le auina atu o uta i Amerika Samoa ma aumai ai uta i Samoa nei;

viii. Le faatinoina o auaunaga moomia a le Pulega o Suavai ma le Faalapotopotoga o Malosi Faaeletise e aofia ai le tufaina ma le aoina o pili ae ia tausisia aiaiga o vavao o loo iai nei.

E faatumauina pea isi aiaiga o Poloaiga o Faalavelave Tutupu Faafuase’i na mua’i tuuina atu.

O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.

Share this:

Source

Stay Connected
250FansLike
457FollowersFollow
Must Read
Related News