HomeSamoaSAUNOAGA AFIOGA I LE PALEMIA LE AFIOGA FIAME NAOMI MATAAFA. (Aso 22...

SAUNOAGA AFIOGA I LE PALEMIA LE AFIOGA FIAME NAOMI MATAAFA. (Aso 22 Mati 2022)

Share this:

FAAAUAUINA O LE TAPUNIA O LE ATUNUU MO LE ISI 14 ASO E AMATA ATU ILE VAELUAGA O LE PO NANEI ASO 23 MATI 2022- SEIA AULIA LE VAELUAGA O LE PO O LE ASO LUA, 5 APERILA 2022.

Ou te faafeiloai atu i le tapuaiga mau a si o tatou atunuu i lenei aso. Faamalo le folau, faafetai le pale i lagimālie.

 E i ai le talitonuga o loo maualuga le tausiga a le Atua i lo outou soifua laulelei, e ui ina o tatou feagai pea ma luitau ona o le faamai.

E onosefuluono (66) i latou na faamaonia ananafi ua aafia i le faamai, ua siitia ai le fuanumera o i latou ua aafia i le 247 talu mai le Aso Tofi o le vaiaso na te’a nei, ina ua sao i tua le faamai.

E faaopoopo i lea numera le 15 o i latou na taunuu mai i Samoa i le Aso 6 Mati, i le malaga mai Niusila na maua i a latou suega ua aafia i le faamai.

Ua faamaonia e toalima (5) i latou ua aafia i Savaii, a o le toatele o i latou ua aafia, o loo i Upolu nei.

O le vave o le pipisi o le faamai i le atunuu, e faatupulaia ma e lē alofia, ona o uiga ia o vairusi e pei o le Koviti 19 e feaveai i le ea.

Peitai, o le taofiofi o le soona feoai ma le tumutumu i nofoaga faitele, atoa ai ma le tausisia o aiaiga faalesoifua maloloina e pei ona taulogologo atu pea i a tatou faamanatu mai le Soifua Maloloina, e fesoasoani tele i le tau taofiofia o le pipisi o le faama’i, atoa ai ma ni o’oo’oga tugā e ono alia’e mai.

Ua maea ona feiloai le Kapeneta i le aoauli nei, ma aumai ai le tuualalo a le Komiti o Faalavelave Faafuasei mo isi laasaga mo lo tatou puipuiga.

O le agaga o loo fola manino mai i nei tuualalo, ina ia mafai ona taofiofi le pipisi o le faamai, faaauau ona galulue a tatou aufaigaluega muaau, e faatino galuega faasoifua maloloina e tali atu i le tulaga ua iai nei, aemaise le tulituliloa o a tatou tui mo fanau iti mo Savaii.

E faapea foi i le tuliloaina o tui mo le vaega matutua ma le au talavou. O faamoemoe uma nei, e saofagā ai lo tatou puipuiga mai le ogaoga o aafiaga o lenei faamai, e pei o le tigaina ma faataotolia i le falemai, pe o’o ai lava ina maumau le soifua.

O ia vala uma, sa iloilo toto’a e le Kapeneta, ma faaiugafonoina ai le faaauauina ona iai le atunuu i le laasaga tolu (lanu mumu) mo leisi 14 aso, e afua atu i le vaeluaga o le po nanei, seia oo atu i le vaeluaga o le po o le Aso Lua, 5 Aperila 2022.

A o iai le atunu’u i le faaopoopoina o le piliota i lalo o le laasaga tolu, o le a tatala auaunaga moomia e pei ona i ai i le taimi nei i le lua (2) aso o le vaiaso.

E afua atu i le Aso Lulu (23 Mati ona o le fetuunaiga ua auina atu ai lenei faasalalauga), Aso Toonai (26 Mati), Aso Lua (29 Mati), Aso Toonai (2 Aperila) ma le Aso Lua (5 Aperila).

 O taimi faatulagaina e tatala ai auaunaga moomia e mai i le 8.00 i le taeao e o’o atu i le 2.00 i le aoauli. O isi aso o le lua vaiaso ua faaopoopo nei, e le tatalaina ai nei auaunaga.

O le a mata’ituina e le Komiti e taimua ai le Matagaluega o le Soifua Maloloina le faatinoina o auaunaga uma faasoifua maloloina, e pei o le faatinoina o siaki mo le Koviti, mataituina ma tali atu i tulaga ogaoga e tulai mai i nisi ua aafia i le faamai, faasavalia o tuiga mo fanau iti i Savaii, ma le faatinoina o tui mo le au matutua ma tupulaga talavou, atoa ai ma tui lona tolu mo le atunuu.

O le auiliiliga o le faatinoina ma le faagasologa o nei vaega uma, o le a faailoa atu e faamatalaga mai le tatou Malo.

Le atunuu pelē, o le talosaga a le tatou Malo, ia tatou faitaulaga pea mo le taumafaiga o lenei galuega.

O le mau a Samoa, e ui ina tatou lutia i Puava, ae mapu lava i Fagalele. E ui ina au’aoa la tatou folauga i to’atugā o le soifuaga nei, ae manino lava Fofoga alofa o lo tatou Atua i aso uma.

O le tuualalo, ia tautuana la tatou aga fetausia’i, e lautua i le alofa i totonu o aiga, Nuu ma Afioaga ma Ekalesia.

Ia tatou maelegā pea i le tatalo, ma o tatou soa faatasi lenei galuega e ala i le taitaiga a le Agaga o le Atua, e mafai ai ona tatou onosaia faigata e oo mai i ituaso faapenei.

Ia manuia le tapuaiga a le atunuu.

SOIFUA

_________________________________________________________

Good afternoon Samoa,

Our latest COVID 19 update recorded 66 new community cases yesterday, taking the number of active community cases to 247, since the first case was detected on Thursday 17 March. 

There are 5 community cases in Savaii and the rest are in Upolu including 15 active imported cases, following the arrival of the flight from New Zealand on the 6th of March.

The surge in community cases was expected, and would continue to increase due to the transmissibility of this virus.

However, it is clinically proven that promoting the practices of simple protective behaviors that can reduce risk to ourselves, our friends and families such as staying home to reduce contact, and adhering to preventive health measures will help reduce new infections, and will subsequently contain community transmission.

These are crucial components of our national response to COVID 19 as of current, which will support our Ministry of Health to undertake all necessary health measures, to contain the spread of the virus, and respond to cases requiring hospital care.

Enhanced surveillance as well as maintaining high vaccination rates necessitate the roll out of the paediatric Pfizer for children 5-11 years old, expected to commence this week in Savaii, and continuation of the vaccination roll out for everyone including booster doses once the bulk supplies arrive over the next week.

Regular releases relating to these activities will be conveyed through Government communication channels.

Our message from the outset of the COVID 19 national response, as has been in all countries is clear – vaccines are highly effective in protecting against severe disease and death.

Unfortunately, the tests conducted this week showed that some have not even started their vaccination, or have not completed their two doses. This is a concern for all of us.

In this connection, Cabinet considered recommendations from the Disaster Advisory Committee, and thereby approved the continuation of Level 3 for another 14 days, commencing from midnight tonight (Tuesday, 22 March) to Tuesday midnight of April 5th.

 Essential services will open from 8.00am to 2.00pm on Saturday (26th March), Tuesday (29th March), Saturday (2nd April) and on Tuesday (5th April).

All other services will close throughout the two weeks.

The Ministry of Health will continue to lead testing for COVID 19 at testing sites, monitor current and emerging cases, and roll out vaccinations for children, youths and adults.

Every phase of our journey will present new difficulties, but we need to remain resilient and unified and each one of us contributing to maintaining our wellbeing and the health of our nation.

God will not leave nor forsake us. In the midst of this storm, let us continue to hold onto our faith that God is our refuge, our shield and fortress.

God bless Samoa.

SOIFUA.

Share this:

Source

Stay Connected
255FansLike
473FollowersFollow
Must Read
Related News