(OFISA O LE SO’O’UPU); Ua fa’ai’ugāfonoina e le Kapeneta i lana Fa’ai’uga FK (21) Fa’apitoa 30, le fa’amaonia ai;
- Faigāmalaga mo pasese toe foi mai i Samoa fa’apea galuega fa’avaitaimi mo Ausetalia ma Niu Sila ua fuafua mo le kuata muamua o le Tausaga 2022.
- Le fa’amauina o le fesoasoani ua ofoina mai e le Malo o Niu Sila e auala mai i le Ofisa o Galuega ma Pisinisi (MBIE) i le fa’atauina o le Commercial Printer fou, 2 laptops mo le aufaigaluega fesoasoani lē tumau e toalua mo le lolomiina o visa.
- Le Malaga togipau a le Fiji Airways e aumai ai tamaiti aoga na fa’atalitali iuga o suega fa’aiu ma tagata o le itulagi e galulue i Samoa nei i le vaiaso lona tolu o Ianuari 2022.
I. FAIGĀMALAGA MO LE MASINA O IANUARI 2022
Aso 14, 20 & 25 Ianuari 2022 – Malaga togipau a le Qantas mo le auina atu o tagata galulue fa’avaitaimi i Ausetalia
Aso 22 Ianuari 2022 -Malaga a le Air New Zealand mo le toe fa’afoiina mai o tagatanuu mai Niu Sila.
Aso 26 & 29 Ianuari 202222 – Malaga togipau a le Air New Zealand mo le auina atu o tagata galulue i galuega fa’avaitaimi.
II. FAIGĀMALAGA MO LE MASINA O FEPUARI 2022
Aso 2 & 16 Fepuari 2022 – Malaga togipau a le Qantas mo le auina atu o tagata galulue i galuega faavaitaimi i Ausetalia fa’apea le auina mai o tatou tagatanuu mai Ausetalia.
Aso 5, 9, 12, 16, 19 Fepuari 2022 – Malaga togipau a le Air New Zealand mo le auina atu o tagata galulue i galuega fa’avaitaimi i Niu Sila.
Aso 10 Fepuari 2022 – Malaga togipau mo le auina atu o tagata e galulue fa’avaitaimi i Ausetalia.
Aso 26 Fepuari 2022 – Malaga a le Air New Zeland mo le toe fa’afoiina mai o tagatanuu mai Niu Sila.
III. FAIGĀMALAGA MO LE MASINA O MATI 2022
Aso 2 & 16 Mati 2022 – Malaga togipau a le Qantas mo le auina atu o tagata e galulue fa’avaitaimi i Ausetalia.
Aso 19 Mati 2022 – Malaga a le Air New Zealand mo le toe fa’afoiina mai o tagata mai Niu Sila.
I lea lava Fa’aiuga ua fa’amaonia ai le fa’aauauina o le tolu vaiaso mo le fa’anofoesea mai ia Ianuari seia oo ia Mati 2022 e fua i fautuaga mo tagata Malaga (travel advise) mai le Matagaluega o le Soifua Maloloina.
O le Komiti o Fa’alavelave Tutupu Fa’afuase’i ma Fa’alavelave Matuiā (N.E.O.C.) o le a mata’ituina le fa’agasologa o nei malaga, ae ta’imua ai le Matāgaluega o le Soifua Mālōlōina e ala i le tausisia o aiaiga uma fa’alesoifua mālōlōina mo le malaga mai i Samoa ina ia mautinoa le malu puipuia pea o le atunu’u mai le Koviti – 19.
