Presidência do Conselho de Ministros
VIII Governo Constitucional
……………………………………………………………………………………………………………..
Comunicado de Imprensa
Reunião do Conselho de Ministros de 19 janeiro de 2022
Konsellu Ministrus hala’o sorumutuk iha Palásiu Governu, iha Dili, no aprova projetu Rezolusaun Governu nian, ne’ebé aprezenta husi Vise-Primeira-Ministra no Ministra Solidariedade Sosiál no Inkluzaun, Armanda Berta dos Santos, ne’ebé renova mandatu membru sira Konsellu Administrasaun husi Institutu Nasionál Seguransa Sosiál (INSS), ba tinan tolu tan. Nune’e, Longuinhos Armando S. I. Leto, mantein hanesan Prezidente Konsellu Administrasaun INSS nian. Azevedo Marçal no Cornélio Barros kontinua iha kargu vogál Konsellu Administrasaun nian. Alberto Carvalho de Araújo no Ramalho da Costa mantein hanesan reprezentante empregadór no traballadór.
Konsellu Ministrus aprova mós projetu Dekretu Governu rua, aprezenta husi Vise-Primeira-Ministra, ne’ebé aprova remunerasaun ba prezidente no fiskál úniku sira Institutu ba Defeza Direitu Labarik, I. P. no Institutu Nasionál ba Kombate HIV-SIDA, I. P., no valór seña ne’ebé iha hodi selu ba ninia membru sira Konsellu Konsultivu nian. Atu determina montante konkretu kona-ba remunerasaun ne’e, Governu konsidera ona valór pratikadu sira relasiona ho Institutu Públiku sira. REMATA
