Ministrja për Evropën dhe Punët e Jashtme, Olta Xhaçka, priti në një takim Nuncin Apostolik në Shqipëri, Shkëlqesinë e Tij, Monsignor Luigi Bonazzi.
Ministrja Xhaçka vlerësoi mbështetjen e vazhdueshme të Monsignor Bonazzi në çështjet humanitare dhe social-kulturore, të cilat sipas saj në kontekstin e harmonisë fetare në Shqipëri, shkojnë përtej përkatësive fetare.
Gjithashtu, Kryediplomatja Xhaçka vlerësoi lidhjet historike mes Shqipërisë dhe Vatikanit, duke theksuar se mbetet e gatshme për forcimin e mëtejshëm të këtij bashkëpunimi.
